Bu, yalnız işçiyə məxsus bir hüquqdur - Ekspert danışır...
Tarix: 1-05-2024, 09:45 |
Çap et
Əmək münasibətlərində elə hüquq və ya təminatlar vardır ki, onlar yalnız işçiyə və ya işəgötürənə məxsusdur.
ƏRİZƏ yazmaqla - əmək müqaviləsinin ləğv edilməsi hüququ da - yalnız işçiyə məxsus bir hüquqdur.İşçi yalnız öz istəyi və ya iradəsi əsasında Ərizə yazmaqla əmək müqaviləsini ləğv edə bilər. Və bu hüquq - işçi tərəfindən yalnız könüllü olaraq həyata keçirilə bilər.
Əgər işəgötürən və ya hər hansı bir vəzifəli şəxsi tərəfindən işçiyə ərizə yazmaqla əmək müqaviləsinin ləğv edilməsi təklif olunursa və ya hədə-qorxu gəlinirsə, bu həmin şəxs üçün: maddi, mənəvi, intizam, inzibati və ya digər müvafiq cinayət məsuliyyəti yaradır.
AR Əmək Məcəlləsinin 69-cu maddəsinin 7 - ci hissəsəsinə əsasən də: işəgötürənlər tərəfindən zor işlədilərək və ya hədə-qorxu gələrək, yaxud hər hansı başqa üsulla işçinin iradəsinin əleyhinə əmək müqaviləsini ləğv etməyə məcbur etmək qadağandır.
Bir faktı da yaddan çıxarmaq olmaz ki, işçiyə məcburi və ya digər yollarla ərizə yazdıran və əmək müqaviləsini ləğv edən işəgötürənlər, bu barədə mübahisə düşəndə bu faktı inkar edirlır. Qanunvericiliyə əsasən isə bu faktın sübut edilməsi işçinin üzərinə düşür, əksər hallarda isə çox təəssüf ki, işçi bu faktı sübut edə bilmir.
Müəllif: Azər Quliyev
Neftçilərin Hüquqlarının Müdafiəsi Təşkilatının
Eksperti - dia-az.info