"Sankt-Peterburq yaxınlığındakı (Leninqrad vilayəti) Lomonosov rayonunda yerləşən, şəkildə gördüyünüz bu qəsəbəni iki azərbaycanlı inşa edib". Dia-az.İnfo bildirir ki, bu ilginc faktı tanınmış araşdırmaçı jurnalist Cavanşir Həsənli açıqlayıb.
"Atakişiyev İlham Gürşad oğlu və İsmayılov Nadir Əmir oğlu. Birincisi ikinci devalvasiyadan 3-4 gün əvvəl "Dekabank" vasitəsilə Mərkəzi Bankdan 45 milyon götürüb. Kreditə girovsuz "dobro" verən baş bankir Elman Rüstəmov heç bir məsuliyyət daşımadan rahatca vəzifəsindən getdi, "Dekabank" bağlandı və Atakişiyev öldü. Atakişiyevlə bərabər 45 milyon da öldü" deyə məlumat açıqlayan C.Həsənli daha sonra fotolarla yanaşı, həm də maraqlı bilgiləri də təqdim edib:
"104 kottecdən ibarət "Ropşa gölməçələri" yaşayış kompleksni («Ропшинские пруды») inşa edən şirkətin digər ortağı İsmayılov Nadir isə "Zaminbank"ın rəhbəri olub. Sabiq bankir 72.3 milyon manatı qulluq mövqeyindən istifadə edərək mənimsəyib. “Zaminbank”ın təkcə Mərkəzi Bank qarşısında 84.,5 milyon manatı öhdəliyi qalıb. "Zaminbank" batdı, Nadir İsmayılov isə 2020-ci ildən həbsdədir.
Bəs "ROPŞE GÖLMƏÇƏLƏRİ"ni inşa edən "ROPŞİNSKAYA TERRASA" MMC-nin (ООО "РОПШИНСКАЯ ТЕРРАСА") aqibəti necə oldu? Azərbaycanın milyonlarla vəsaitinin yatırıldığı şirkət fəaliyyətini davam etdirir. Amma ona Denis Matyuşin adlı şəxs rəhbərlik edir..."
Hər halda, Azərbaycana aid bu pulları Rusiya çöllərinə səpələnməsinə nədən olan şəxslər cavab verməlidir. Elə Elman Rüstəmov başda olmaqla...
