Rusiyanın Ukraynaya hərbi təcavüzünün ilk günlərindən indiyədək beynəlxalq ictimaiyyət Kremli müharibəni dayandırmağa və işğal olunmuş Ukrayna torpaqlarını azad etməyə çağırmaqda davam edir. Moskvanın təcavüzü bir çox beynəlxalq təşkilatlar, o cümlədən AŞPA, ATƏT, Avropa İttifaqı və nəhayət, BMT tərəfindən dəfələrlə pislənib.
Məsələn, xatırladaq ki, təcavüzün ertəsi günü Ukraynadakı vəziyyətlə bağlı BMT Təhlükəsizlik Şurasının fövqəladə iclası keçirilib. BMT-nin Baş katibi Antonio Quterreş Rusiyanı Ukraynada hərbi əməliyyatları dayandırmağa və qoşunlarını ərazidən çıxarmağa çağırıb. Rusiyanın hərəkətlərini pisləyən və Ukraynaya qarşı hərbi əməliyyatı dərhal dayandırmağa çağıran qətnamənin qəbul edilməsi təklif olunub, lakin Rusiya BMT Təhlükəsizlik Şurasının daimi üzvü kimi bu qətnaməyə veto qoyub.
Lakin bundan sonra BMT Təhlükəsizlik Şurasının növbəti iclasında Rusiyanı pisləyən qətnamənin baxılması BMT Baş Assambleyasının xüsusi olaraq çağırılan 11-ci fövqəladə xüsusi sessiyasında 2623 saylı qətnamə təklif edilib. Xatırladaq ki, bu iclasda heç bir ölkənin veto hüququ yoxdur.
Bəs, Kreml beynəlxalq ictimaiyyətin çoxsaylı qətnamələrinə, çağırışlarına və sanksiyalarına necə reaksiya verdi? Heç cür! Xeyr, əksinə, Krılovun nağılındakı pişik Vaska kimi: qulaq asdı, amma yeməyə davam etdi.
Müharibənin elə ilk aylarında Kiyevi üç günə ələ keçirəcək “dünyanın ikinci ordusu”nun heç də ikinci olmadığı, uğursuzluqlardan qəzəblənən təcavüzkarların olduğu məlum olanda, qəzəblərini dinc əhaliyə yönəltdilər. Rusiya hərbçiləri İrpen, Buça, Qostomeldə əsl soyqırımı törədiblər. Cinayətlərin miqyası heyrətamiz idi: onlar nə qocalara, nə qadınlara, nə də uşaqlara aman verirdilər. Eyni zamanda, Rusiya təbliğatı guya ki, Ukraynada “nasizmə” qarşı mübarizə apardığını durmadab elan edirdi.
Dünyanın qalan hissəsinin mövqeyindən asılı olmayaraq, Moskva öz qanlı yolunu davam etdirdi, bunun son mərhələlərindən biri Kiyevdəki “Oxmatdet” uşaq xəstəxanasına raket hücumu oldu. Nəticədə 33 nəfər həlak oldu, 121 nəfər yaralandı.
Eyni zamanda, Rusiya tərəfi Ukraynanın İrpen, Buça, Qostomel, Kiyev və digər şəhərlərində insanlığa qarşı cinayətlərə görə bütün günahı Ukraynanın üzərinə atıb. Necə ki, ermənilər Xocalı soyqırımında azərbaycanlıları günahlandırıblar və indi də günahlandırırlar.
Xüsusilə qeyd etmək lazımdır ki, Ukraynanı silahla təmin edən Qərb dövlətlərinin Kiyevə Rusiya ərazisində silahdan istifadə etməyə icazə verməməsi Moskvanın da əlini açmışdı. Bu, təbii ki, Kremli yeni cinayətlər törətməyə ruhlandırdı.
Qadağa götürüldükdən sonra ukraynalılar hərbi əməliyyatları birbaşa Rusiyanın özünə keçirdilər. İndi Ukrayna Kursk və Belqorod vilayətlərində Rusiya üçün “kabus” yaradır. Ruslar iki ildən artıqdır ki, ukraynalıların yaşadıqları müharibənin bütün “ləzzətlərini” öz üzərlərində yaşayırlar.
Və əsl əyləncə burada başlayır. Son vaxtlara qədər bütün sivil dünyaya arxa çevirən Rusiya isterikləşdi və beynəlxalq təşkilatların olduğunu xatırladı.
“Rusiya Xarici İşlər Nazirliyi beynəlxalq təşkilatları Kiyevin Rusiya Federasiyasının regionlarında törətdiyi terror aktlarını pisləməyə çağırır”, - deyə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bildirib.
Eyni zamanda, Zaxarova Rusiya tərəfinin həyəcan təbilinin cavabsız qalacağına əminliyini ifadə edib: “Bir daha beynəlxalq təşkilatları ukraynalı yaraqlıların terror aktlarını pisləməyə çağırırıq. Baxmayaraq ki, cavabın müvafiq strukturların tsinik sükutu olacağına əminik”.
O vurğulayıb ki, Rusiya XİN Ukrayna Silahlı Qüvvələrinin mülki infrastrukturu məhv etmək, dinc sakinləri öldürmək və qorxutmaq məqsədi daşıyan hücumlarını qətiyyətlə pisləyir: “Kiyev rejimi çox gözəl başa düşür ki, bu, vəhşi hərəkətlər hərbi baxımdan heç bir məna kəsb etmir, lakin ağalarının verdiyi kreditlər üçün işləməkdə davam edir”.
Həddindən artıq sinizmdir, elə deyilmi? Quyruğu qapının arasında qalan kimi Rusiyada beynəlxalq hüququ xatırladılar. Çox tanış bir mənzərədir.
Eləcə də 2023-cü ilin sentyabrında Azərbaycan Qarabağda antiterror əməliyyatı keçirəndə Ermənistan beynəlxalq hüquqdan qışqırmağa başladı. 30 il ərzində BMT-nin məşhur dörd qətnaməsinə məhəl qoymayan ölkə “qoruma” axtarışında bu təşkilata üz tutdu. Qarabağda münaqişənin kəskinləşməsi fonunda Ermənistan “Azərbaycanın təcavüzünü” dayandırmaq üçün tədbirlər görmək məqsədilə BMT Təhlükəsizlik Şurasına müraciət etdi.
Bu gün Rusiya ilə Ermənistan arasında münasibətlər daha gərgindir. Tərəflər vaxtaşırı xəyanət ittihamları mübadiləsi aparır. Ermənistan Rusiyanı 44 günlük müharibədə fəaliyyətsizlikdə ittiham edir, Moskva “erməni gəmisinin Qərb sahillərinə üzməsindən” məmnun deyil. Ancaq bir şeydə onlar əbədi qardaşdırlar: sinizmdə...
Müəllif: Fed Bakinski - AYNA.az
